مشكله بنت جات من الصعيد

**amyeee**

يا جماعه انا بقالى هنا معاكم ع القهوة حوالى اسبوعين وده اول موضوع ليا انا حبيت ف الاول انى اعرفكم من خلال قراءه المواضيع بتاعتكم وطبعا عرفت ناس كتير
وبصراحه من فتره كبيره وانا عايشه ف مشكله مش عارفه احلها ازاى واكيد ان المشكله دى اتعرض لها ناس كتير بس للاسف دى اول مره بتعرضلها ولانها تخص اقرب الناس ليا فمش عارفه افكر اعمل ايه
من حوالى 3 سنين اتعرفت ع بنت زميلتى ف المعهد هى كانت بنت محوله من معهد تانى هى اصلا من اسوان وخرجت من بيت اهلها لسوهاج تدرس هناك وبعد كده حولت ع القاهره تدرس هنا وكانت طبعا ف غايه من الطيبه والسذاجه والاداب بنت لسه جايه من الصعيد بالسلوفانه وكانت طبعا معاها كل افكارها المحترمه واللى للاسف يمكن نكون افتقدنها هنا ف اهل البندر لدرجه انها كانت تعتبر نكته المعهد كله ويمكن ده اللى قربنى منها انى حسيت ان جوها حاجات انا عارفها بس مش فاكرها هى كانت بتفكرنى بمعظمها المهم قربنا من بعض جدا وبقيت هى صديقتى الوحيده او الاقرب وطبعا كان جوها الانبهار بالحياه الجديده اللى بتشوفها هنا كنت ديما بحاول اشيل انبهارها ده وطبعا سريعا ما اتغير فيها حاجات كتير زى اللبس والميكاب والعدسات اللاصقه والبرفيم وكل ده وبقيت كانها من بنات البندر بالظبط المشكله بقا ان ف شاب اتقرب منها هو اصلا من بلدها بس هو ظابط حربيه يعنى معظم شغله هنا ف القاهره وللاسف ان الشاب ده بحس ان اخلاقه مش كويسه يعنى بيطلب حاجات مش من حقه اطلاقا بس المصيبه الكبيره انه بيقنعها او بيحاول يقنعها انها من حقه زى انه يخرج معاها ف اى وقت وانا يمتلكها ويكون هو رقم واحد ف حياتها حتى قبل اهلها لدرجه انه طلب منها انه يطلع البيت عندها ومفيش حد يكون موجوده وحاجات كتير زى كده المشكله انها اتعلقت بيه جدا وانا مش عارفه اعمل ايه اتكلمت معاها كتير ف الموضوع ده وانه كداب بس طبعا هى مقتنعه بيه وع اساس انه هيروح يتقدملها لما والده يتم سنه ع وفاته بس انا حساه كداب وخداع ومش عارفه اعمل ايه ياريت مكنش طولت عليكم وياريت حد يحاول يساعدنى برده عليا انا بجد خايفه عليها جدا

بصى انتى لازم تقفى جنبها الى اقصى مدى
ودا حقها عليكى ولازم تفهميها انو مش كويس
وياريت لو تعرفى تجبيلها دليل منطقى
زى بنات كلمهم قبل كدا او باساليب تانية
اتعبى شوية علشانها لانها فعلا اكيد محتجالك بجد
وتحياتى
نودى

_________________
ان دوام الحال من المحال
ولكن كل شئ هو بامر الله

**alover**

انتي لازم تثبتي ليها انه مش كويس او تفهميها انه لو بيحبها مش هايضرها
وفهميها انه بيفكر في مصلحته وبس وقوليلها جربي مرة تقوليله لا شوفيه هايعمل ايه
خليكي معاها وفهميها انها حتي تجرب اسلوبك ولو ليوم واحد
او
حاولي تحطي الولد ده في كفه وانتي في الكفه التانيه وده طبعا بعد لما تغلبي خالص معاها
ويارب تطلع منها علي خير
وربنا يوفقك ياجميل
ان شاء الله خير
ويارب مكونش طولت عليكي

_________________
لا تحاول أن تعيد حساب الأمس .. وما خسرت فيه ..
فالعمر حين تسقط أوراقه لن تعود مرة أخرى ..
ولكن مع كل ربيع جديد سوف تنبت أوراق أخرى ..
فانظر الى تلك الأوراق التي تغطي وجه السماء ودعك مما سقط على الأرض فقد صارت جزءاً منها
إذا كان الأمس ضاع ..
فبين يديك اليوم وإذا كان اليوم سوف يجمع أوراقه ويرحل .. فلديك الغد ..
لا تحزن على الأمس فهو لن يعود ولا تأسف على اليوم .. فهو راحل
فكن مع الدنيا وابقي بعيدا عن الحزن فالحزن له ظلام كاحل.
تحياتي K