حـــ الحيـاة ــب

منتــ عـام ــدي
 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 تاك نيلة فيك وفي خيبتك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
bosy cat
مشرفه قسم المرأه
مشرفه قسم المرأه
avatar

انثى عدد الرسائل : 576
العمر : 32
العمل/الترفيه : تصميم الازياء
مود العضو :
تاريخ التسجيل : 16/03/2008

مُساهمةموضوع: تاك نيلة فيك وفي خيبتك   الأحد أبريل 13, 2008 11:43 pm

تاك نيلة فيك وفي خيبتك
مع الشلة
و الاصحاب
الاوغاد
و انا قاعد في قعدة
أو واقف في وقفة
أو نايم في نومة حتى
و بيحصل حوار
أو مناقشة
أو حتى موقف
*******
بالرغم من اني معروف وسط الشلة ان وداني كبيرة.. مش ارنب
يعني. لأ ده عشان باسمع اكتر ما بتكلم.. مش بازهق من السمع
و اي حد محتاج يفضفض أو يتكلم و يرغي بيجيلي على طول
مش عارف ليه.. بس جايز عشان مش بصدر أحكام أو اتنرفز على
حد بسرعة لو جه يحكيلي سر او كده
المهم.. بالرغم من كده ساعات بقى مابقدرش امسك نفسي
غصب عني بالاقي أقل رد طلع مني هو
تاك نيلة فيك وفي خيبتك
بجد مابعرفش اقول غيرها
لحد ما بقت لازمة في بقي
كل ما يحصل حاجة او اسمع حاجة متعجبنيش اقولها على طول
*******
صاحبي الانتيخ اتصل و قاللي: بتعمل ايه؟
قلتله: ولا حاجة.. لسه صاحي م النوم وهائم على وجهي
قاللي: طب انا جايلك
قلتله: تشرف و تآنس وتنوّر
قاللي: طيب
قلتله: ايه مالك في حاجة ولا ايه؟
قاللي: آه اتخانقت مع امي
سألته: ليه كده بس؟
قاللي: اما اجي هحكيلك
و لما جه وبعد ماهدي شوية قلتله ايه الحكاية بقى؟
قاللي: امي اتخانقت معاها وزعقت في وشها قعدت تعيّط رحت
رازع الباب ونازل
ساعتها وداني صغرت واضيقّت مرة واحدة
قلتله: نهارك مش فايت
قاللي: اسمع بس بقية الحكاية
قلتله: اسمع ايه و زفت ايه.. حد يعمل كده في أمه يالا؟
هو انت كلك على بعضك كده تسوى حاجة في الارض من غير رضا
امك عليك؟
تاك نيلة فيك وفي خيبتك
*******
يوم تاني كنا واقفين في الجنينة وواحد جي فرحان اوي ومبسوط
وسعيد
وبيقولنا سمعتوا شريط حماقي الجديد؟ توووحفة.. رهيييب..
خطير.. وهم ياجدعان
قلتله: ياراجل.. سمعني كده
و معلش رأي شخصي مقصدش ازعل بيه حد
ايه حماقي ده يا جدعاااان
والله ولا صوت و لا صورة ولا أي حاجة خالص
وعليه.. يانا يانتااااااه.. تهد جبال.. نانسي عجرم نفسها متعرفش
تقولها
شلت السماعات من ودني و اديت الام بي ثري للواد وقلتله
تاك نيلة فيك وفي خيبتك
*******
القعدة الجد بقى
قعدة سياسية
وكله يحاسب و يوسع.. كلام مهم بيتقال وحاجة عظمة يعني
يطلعلي واحد يقوللي: يعني شوف ولاد الـ (تيـــت) بيصرفوا كام
على حتة تمثال لا راح ولا جه والناس مش لاقية تاكل.. بلد بنت (تيـــت) صحيح
تيـــت.. طبعا معناها ان الولد شتم بس انا حطيت تيـــت مكانها
عشان الرقابة بس
المهم الواد راح مكمل كلامه: احسن حاجة الواحد يهج من البلد دي ويعيش في بلد نضيفة بقى.. في اوروبا ولا حاجة.. البلاد اللي
فيها مووزاز دي.. ويرتاح من القرف ده كله
قلتله: طب ده مش يبقى اسمه هروب يابوب؟
قاللي: ياعم هروب هروب بلا خاوتة
قلتله: طب تخيل كده ان الكام مليون شاب اللي في البلد بيفكروا
زي حضرتك كده.. البلد حيبقي حالها ايه حضرتك؟
راح مولع سجارة و ضحك ضحكة هعهعهع.. وقال: هتبقى خرابة..
هعهعهع
وكان ردي

تاك نيلة فيك وفي خيبتك
*******
وبمناسبة السجاير.. واحد صاحبي حريقة سجاير
ممكن يولع سجارة وهو في إيده سجارة, والايد التانية فيها
سجارة برضه
ووسط التلات سجاير أقوله: مش ناوي تبطل سجاير بقى يامعلم؟
يروح رادد عليا والسجارة في بقه ومضيّق عينيه عشان الدخان
طالع على عينيه طبعا.. ويقوللي: نفسي والله يابوحميد
قلتله: بص.. ولا نفسك ولا ابوحميد.. انت بتضحك عليا ولاّ بتضحك
على نفسك؟
انت لو عايز تبطل هتبطل
لكن انت مش عايز تبطل.. انت بتحب السجاير اساسا

تاك نيلة فيك وفي خيبتك
*******
رفيقي في الدراسة بقي كنا في العربية و بسأله سؤال جه على
بالي فجأة كده
بقولك ايه يا شقيق -
قاللي: نعمين ياحوووبي
قلتله فكرني كده تاني معلش.. انت سقطت ليه السنة دي؟
قاللي: مكنتش بذاكر ياشيؤووووز
قلتله: ممممم.. ومكتش بتذاكر ليه؟
قاللي: معرفش
قلتله: طب انت حابب الكلية اللي انت فيها و حابب المجال بتاعها؟
معرفش -
طب انت دخلت على أساس ايه؟ -
معرفش -
سألته: طب بلاش دول.. نفسك تشتغل ايه لما تتخرج؟
معرفش -
قلتله: طيب انت عارف إيه وانا اسألك فيه أساسا؟
أي دونت نووووو هعهع -
طيب -

تاك نيلة فيك وفي خيبتك
*******
صاحب صاحبي بقى.. دمه خفيف مووووت و يحب الضحك.. عليه ضحكة عفاريت من اللي هيا.. وخصوصا انه ماشاء الله طول
بعرض
كنا قاعدين قعدة لطيفة ولقيته ضحك الضحكة اياها
نياااااهاهاهاها -
قلتله: خير.. متضحكنا معاك يا عم الوحش
قاللي: امبارح و انا بكلم اخت صاحبتي في التليفون
قلتله: لحظة بس معلش مسمعتش كويس.. أخت صاحبتك؟؟
قاللي: آه.. أخت صاحبتي
و راح مكمل القصة الطريفة.. بس مسمعتش منها حاجة
وسرحت شوية بعقلي كده
سرحت لاني اتكسفت اقوله تاك نيلة فيك وفي خيبتك لانه مش
صاحبي.. ده صاحب صاحبي
وقلت في بالي هو فيه راجل يقول صاحبتي؟؟
ايه الخيابة دي؟؟

تاك نيلة فيك وفي خيبتك يابعيد
*******
بس و بعد ما كتبت الموضوع ده سرحت برضه شوية و قلت في
بالي
ايه اللي انا كتبته ده
هو انا مصاحب الناس دي ليه
ومصاحبهم ازاي؟؟

جاتني نيلة فيا وفي خيبتـي

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Che-Amr
عضو فعال
عضو فعال
avatar

ذكر عدد الرسائل : 848
العمر : 28
العمل/الترفيه : بفرط بلح
المزاج : سامع بحريمك؟
الدوله :
تاريخ التسجيل : 03/04/2008

مُساهمةموضوع: رد: تاك نيلة فيك وفي خيبتك   الأحد أبريل 13, 2008 11:48 pm

ههههههههههههههههههههههههههههههه


" انا مرّه حششونى دخت " Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Sha3NoNa ReMo0o0
مشرفه قسم التسالي
مشرفه قسم التسالي
avatar

انثى عدد الرسائل : 1145
العمر : 28
العمل/الترفيه : فاضية على ما ترزق
المزاج : مخنوقة طحن بس ولا هاممنى
مود العضو :
تاريخ التسجيل : 30/03/2008

مُساهمةموضوع: رد: تاك نيلة فيك وفي خيبتك   الإثنين أبريل 14, 2008 12:43 am

ههههههههههههههههههههههههههههه

ايه العثل ته
والمفروض ادخل ارد عليكى بايه
ههههههههههههه
تاكى نيلة عليكى وعلى خيبتك Shocked

هههههههههههههههههههههههههههه

بجد توبيك ناااااااااااااار يا شوشو
يسلمووو ياحوبى

_________________
تعلمت أن الابتسامة لا تكلف شيئاً ، ولكنها تعني الكثير.
تعلمت أنه يوجد كثير من المتعلمين ولكن قلة منهم مثقفون.
تعلمت أن مفتاح الفشل هو محاولة إرضاء كل شخص تعرفه.
تعلمت أن كل ما نراه عظيماً في الحياة بدأ بفكرة من البداية صغيرة .
تعلمت أنه لا تحقيق للطموحات دون معاناة .
فهل تعلمت *****ـ
************************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bosy cat
مشرفه قسم المرأه
مشرفه قسم المرأه
avatar

انثى عدد الرسائل : 576
العمر : 32
العمل/الترفيه : تصميم الازياء
مود العضو :
تاريخ التسجيل : 16/03/2008

مُساهمةموضوع: رد: تاك نيلة فيك وفي خيبتك   الإثنين أبريل 14, 2008 2:31 am

Che-Amr كتب:
ههههههههههههههههههههههههههههههه


" انا مرّه حششونى دخت " Very Happy

ههههههههههههههههههههههههه
تاكك نيله فيك وفى خبتك
ههههههههههههههههه
نورت يامااااااااااان

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bosy cat
مشرفه قسم المرأه
مشرفه قسم المرأه
avatar

انثى عدد الرسائل : 576
العمر : 32
العمل/الترفيه : تصميم الازياء
مود العضو :
تاريخ التسجيل : 16/03/2008

مُساهمةموضوع: رد: تاك نيلة فيك وفي خيبتك   الإثنين أبريل 14, 2008 2:32 am

Sha3NoNa ReMo0o0 كتب:
ههههههههههههههههههههههههههههه

ايه العثل ته
والمفروض ادخل ارد عليكى بايه
ههههههههههههه
تاكى نيلة عليكى وعلى خيبتك Shocked

هههههههههههههههههههههههههههه

بجد توبيك ناااااااااااااار يا شوشو
يسلمووو ياحوبى

هههههههههههههههههههههههههه
نورتى التوبيك ياقمر

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sleepy_hollow
عضو نشيط
عضو نشيط
avatar

ذكر عدد الرسائل : 468
العمر : 29
الدوله :
تاريخ التسجيل : 07/04/2008

مُساهمةموضوع: رد: تاك نيلة فيك وفي خيبتك   الثلاثاء أبريل 15, 2008 12:38 pm

هههههههههههههههههههههههههه
بجد مش عارف اقول اية
ولا بلاش اقول خالص
هههههههههههههههههه
نيس توبيك يا woman
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تاك نيلة فيك وفي خيبتك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حـــ الحيـاة ــب :: قسم التسالي :: افتكاسات-
انتقل الى: